ياجماعة كيف الأزرق مايفوز
والفرق من هيبته تلعب دفاع
للبطولة اصدر القاضي نشوز
لين طاعت للأوامر بانصياع
من خطبها قلنا هذا مايجوز
الهلال اولى بها وامره مطاع
صفحة التاريخ تكتب لك رموز
في سجلات الذهب قبل الضياع
المشاعر بالفرح قامت تنوز
ثم صارت بالسما مثل الشعاع
حب الازرق مانبيعه بالكنوز
من عرفته فوق راسي مايباع
الهلال للشعر يبرز بروز
يمسعه من كان في شتى البقاع
لو بغيت انظم قصايد ماتعوز
للهلال أبدعت قدر المستطاع
للشاعر / سعد نهاض ماجد العتيبي
ـــــــــــــــــــــــــــــــــــــــــــــــــ
أرعدت وابرقت وارتجت الأرض
وخرج من وسط نجد سيف صقيل
الكل قالوا وش هالصارم البتار؟
طلعت الشمس وتبين انه عبدالعزيز
صدى صوته يقول ماياخذ الكاس
إلا رجال يستحقون رفعته
من يد من وصيته على حفظ البلد
وهذي وصية مني توارثوها للأبد
إنتخوا مغاوير بني هلال
وقالوا وين يروح كاس أغلى الرجال
بنحط رمز البطل بقلوبنا ونسَكِّر عليه
ونضيع المفتاح ولا عاد أحد يلتقيه
ومن بغى يشوفه بنظره عابره
بنو هلال شهامتهم حاضره
للشاعر / صالح الجوير
ــــــــــــــــــــــــــــــــــــــــــــــــــ
الهلال بعزيمته واصراره...
مايعرف طعم الهزيمة والمهانة...
بياسر وسامي يواصلون مشواره...
والا رئيسهم وصلهم طريق الزعامة...
واللي مايعرف الهلال زايدً هباله...
بقوته وزعامته وصل للعالمية...
زعيم الاندية وغطى عالقادسية...
والا رئيس النصر قعد يومين وقدم الاستقالة...
مانت قد الهلال في الرئاسة...
خلك بلعب الحواري وخياسه...
بلعبه وتكتيكه راح طريق الزعامه...
جعل الله يكتب في محمد موازين حسناته...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والسلام عليكم ورحمة الله وبركاته
